| 近排好興反高潮....... 首先黎個亞視高層羅生門 跟住有倪黎患難見真情 好睇過無線d 劇!!! 但講真，一聽到倪震周慧敏結婚既時候，我真係替佢地開心 =] 世上又邊有完美既男人或者女人呢...經過呢件事考驗到佢地真係真心愛大家! 百世修來同船渡，千世修來共枕眠，希望佢地好好珍惜啦! |
| |
| 「你同另一半出街，平時會做啲咩增進感情? 」 「唔......
拖手
fing 手
fing 甩隻手前再捉返
鬥望唔眨眼
影相
睇相
趁對方唔覺意時影佢相
然後下一次拎已經加工過嘅相俾佢睇
煮飯仔
煮完飯仔再出街食飯
尋找隱世美食
去七十一叮燒賣食
去沙灘同陽光玩遊戲
去海邊唱夕陽無限好
去新樓盤睇樓、但肯定自己唔會買樓
去馬場睇賽馬扮董標或張基『一起起步』
去旅行
去camp
去離島
極之無錢時惟有去遊車河
明明就喺隔離，但用SMS 溝通
又或者煲電話粥
然後輪流講亂咁作嘅故事
或者企喺馬路兩面扮唔識
不停講爛gag
改對方花名
無端端叫對方全名
扮傻
互串
鬥咀
搵交嗌
扮冷戰唔睬對方、等對方出聲先
然後再氹返佢
一個合埋眼、由得另一個用說話帶路
無端端唱合唱歌
將對方個名編成歌詞不停repeat
搣面搣手搣肥肉
打pat pat
咸豬手
講咸嘢
玩唧
玩手指
玩手指、當對方係ET 外星人
哄埋耳仔邊講人地八卦
然後乘機吹耳仔
我最鍾意...... 咬
唔俾對方咬
唔俾對方錫
玩口水（ｅ...... ）
錫
錫錫下吹d 氣入對方咀度
摸對方肚腩
搞對方肚臍、仲要話『你果個咁得意嘅』
問屈機問題——
『你做梗咩呀? 』
『食梗飯囉。』
『咁即係無掛住我喇? 』
『有...... 有掛呀！』
『問到先至識掛，算喇！』
『...... 』
又或者咁——
『你做梗咩呀? 』
『一邊食飯一邊掛住你囉...... 』
『又掛又食飯，咁即係一心二用、唔係好掛喇? 』
『唔...... 唔係呀！』
『你一路食住飯一路掛住我，即係想食左我算鬼數喇！』
『...... 』
約打羽毛球、網球、壁球
只帶一塊球板去打羽毛球、網球、壁球
唔識踩單車、但去踩單車
搞對方頭髮、用手指卷圓
幫對方（男方）用髮夾橡筋設計髮型
將對方（女方）長髮變做超級撒亞人
同對方茶手指甲
性別互轉一日（通常半個鐘已經玩完）
學對方講野
行下公園、玩下韆鞦
聊下女仔...... 係BB 仔
望靚女——你同佢一齊望
睇靚仔——但通常好少有得你睇
研究行喺你地前面果對男女係咪拍梗拖、定發展梗
企喺好遠好遠嘅地方扮等人、實情係望梗人地街頭冷戰幾耐
喺寵物鋪前幫啲貓狗改名
喺手機鋪前研究邊部手機最好用
一齊去買衫試衫
一齊報讀同一個course
一齊去自修室溫書
一齊去圖書館恰眼睏
落pub ，教對方玩大話骰、『佢唔識』、輸左要罰飲酒
同對方玩包剪揼、輸左要罰飲可樂......
食飯時鬥快食晒對方碟上鍾意食嘅嘢
去機鋪打麻雀機
去SASA 、卓悅、屈臣氏格價
勇闖元朗新天地，然後盪失路
勇闖舊型大屋村，然後再盪失路
唔搭車、由佢屋企開始『散步』直到唔想行
唔搭車、散步行返去佢屋企
仲有...... 」
「等等...... 點解你講果啲、我同我男朋友拍拖果陣都無做過...... 」
「...... 咁你地拍拖時會做啲咩? 」
「唔，傾下美國股市走勢，又或者2628 應該沽定繼續揸...... 」
「...... 哦，咁都唔錯丫。」
大概，每對情侶都會有佢地獨有一套嘅增進感情模式。
你呢? 你地拍拖時又會做啲咩? |
| |
| Hey!!! 招人睇concert : 7/17(Thu) 8:00 香港國際青少年合唱節決賽 香港文化中文音樂廳 $60-90 7/20(Sun) 3:30 A Cappella in Town青年音樂會 文化中心露天廣場 免費 8/9or10(Sat and sun) 8:00 世界青少年合唱團 文化中心音樂廳 $50-140 唉呀~ 咁多好睇野, 要破財了~~~有興趣快d contact我啦!!!! |
| |
| ｙｅａｈ！今日收到份幾乎係最好既禮物 : EXAM PASSED !!! 過!!!!过!!!!! 過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過過 我等左呢日已經成年了..嗚嗚嗚..呢幾日係咁等result真係度日如年咁.. 而家終於可以順利晋升為year 2 啦...放下心頭大石。可以話係從未試過如此relieve。想不到別人認為簡單不過的合格, 對我有咁大意義...... 無論如何, 終於能好好享受一下暑假。划艇~ 打工~拍拖~ 去旅行~唱choir~我要好好利用暑假, 去玩玩玩玩玩玩~ 快d約我出街啦XDD |
| |
| 真係越唸越唔妥。做野真係唔可以咁，有時有d執著係必須要有，而且適當既嚴謹度係必須要有。 固執和苟且，這兩個極端都很不要得。所以我們必須做兩者之間取得平衡。而在工作上，這個平衡點便必須達到「嚴謹」這種態度。做野唔嚴謹，出黎個result係一定唔會係最好。而且，嚴謹是要從一而終的。有時有d野執得正，有d就求求其其咁過左去，懶得去理或者唔去執番手尾。呢種「選擇性嚴謹」即等於「得過且過」。 做野如過得過且過係好大問題架囉。咁第時出到黎做野又係咪咁呢? Where is your own critical thinking? 我心裡面真係有好多個問號同感嘆號。 都係等完左先講。 |
| |
